Yasamal Rayon Əhməd Bakıxaov adına 6 nömrəli Uşaq Musiqi Məktəbinin müəllimləri Mahirə Kərimova, Kürsüm Bağiyeva, Tamilla Kazimova, Ülkər Haciyeva və bir neçə müəllimlər, valideynlər Mədəniyyət nazirliyinə və digər orqanlara Əhməd Bakıxanov adina 6 nömrəli uşaq musiqi məktəbinin direktoru Sevda Rəhimovanın qanunsuz əməllərindən şikayət ediblər. Şikayət müəllifləri gundemxeber.az-a bildiriblər ki, "Dövlət vəsaitinin mənimsədiyini Yasamal rayon prokurorluğu təsdiq edib. 10 000 manata yaxın pulu mənimsəyib. Mənimsəmə israf etmə və digər cinayətləri sübuta yetirilib, mənimsəmə israf etmə cinayəti törətmiş direktor, həm də vəzifə cinayəti törətmişdir. Deməli direktor Sevda Rəhimova etiraf edib ki, on min manata yaxın pulu mənimsəyib, həm də eyni zamanda təsdiq edib ki, vəzifə saxtakarliği, səhlənkarliği edib və vəzifə səlahiyyətlərindən sui istifadə edib. Lakin əsas məsələ ondan ibarətdir ki dövlətin on min manata yaxın pulunu yeyən direktor hələ də direktor vəzifəsində qalmaqda davam edir.  Direktor Sevda Rəhimova deyir ki, arxam var, nə edirsiz edin, kimə istəsəz deyin mənə heç kim heç nə edə bilməz.

Direktor Sevda Rəhimova arxa dayağım var dediyi adamların köməyi ilə etdiklərini cənab nazir Adil Kərimlidən gizlədilir.   Tələbimiz bundan ibarətdir ki, bu cür qanunsuz əməlləri törədən direktor mədəniyyət ocağında rəhbərlik edə bilməz, dövlət büdcəsində yeyinti etmiş direktor şagirdlərə, müəllimlərə nümunə ola bilməz.

Əhməd Bakıxanov adina 6 nömrəli uşaq musiqi məktəbinin direktoru Sevda Rəhimovanın qanunsuz əməlləri dövlət büdcəsinin pulunu israf etmə, yeyinti, mənimsəmə, talama 179 maddəylə cinayət törətdiyi 24 iyun 2023 cü il Yasamal rayon prokurorluğu tərəfindən aşkarlanıb. Lakin mədəniyyət naziri cənab Adil Kərimlidən bu fakt gizlədilir və nəticədə edilən şikayətlərin hamısı Mədəniyyət Naziri cənab Adil Kərimliyə çatdırılmır. Aşkarlanmiş cinayətin nəticəsindən əvvəl 22 may cənab nazir Adil Kərimlinin qəbulunda olan biz müəllimlərə deyib ki, bu məsələyə obyektiv baxacam. Biz nazirimizin ədalətli olacağina cox inaniriq. Nazirimiz cənab Adil Kərimli cox vətənpərvər dövlətinə, millətinə sadiq savadlı nazirdir. Ona işlərində ugurlar arzu edirik!

Onu da əlavə olaraq qeyd edirik ki, maliyyə nazirliyi yoxlama apararkən məktəbdə heç zaman görmədiyimiz şagirdlər və müəllimlər peyda olmuşdur. Maliyyə nazirliyinin yoxlaması nəticəsində direktor Sevda Rəhimovanın 21 900 manatdan cox maliyyə əskikliyi olması yoxlama akti ilə öz təsdiqini tapib. Bu xəbèri bizə Bakı şəhər prokurorluğu və Yasamal rayon prokurorluğundan deyiblər. Yasamal rayon prokurorluğunun araşdırmasından belə qənaətə gəlmək olur ki, 9731 manat, on min manata yaxindir və xeyli miqdarda yeyintidir. Dövlət büdcəsini mənimsəyib, talayıb və israf edib.

Ölkə başçısı cənab prezident İlham Əliyevin korrupsiya ilə necə amansız mübarizə apardığını, bununla bağlı hansı islahatlar həyata keçirildiyi hər kəsə bəllidir. Amma təssüf ki, bəzən məmur özbaşnalığı səbəbindən cinayətkar cəzasız qalır. Bütün bunlarla bağlı biz təkrarən bütün aidiyyatı qurumlara ərizə ilə müraciət etmişik. İnanırıq ki, etdiyimiz şikayətlər cavabsız qalmayacaq. İşlədiyimiz təhsil olacağında daha dəqiq və ciddi araşdırmalar aparılacaq və cinayətkarlar cəzalarına çatacaqlar. Biz inanırıq ki, dövlətin büdcəsindən külli miqdarda mənimsəmə edən direktor cinayət məcəlləsinin 179-cu maddəsi ilə məsuliyyətə cəlb olunacaq və lazımi tədbirlər görüləcək."

GundemXeber.Az redaksiyası olaraq bildiririk ki, yazıda adıçəkilən direktorun da mövqeyini dinləməyə hazırıq.

Gundemxeber.az