Əlillər barədə dövlətin sosial ayrı-seçkilik siyasəti

Prezidentin 23.12.2021 tarixli fərmanı ilə keçən ildən 1997-ci ilin 2 avqustuna kimi savaş əlilliyi müəyyən edilmiş şəxslərə proaktiv qaydada birdəfəlik sığorta ödənişinin verilməsi , demək olar, başa çatıb. Fərmanın icrasının tətbiqi ilə bağlı NK-nın 02.08.2022 tarixli 271 saylı qərarı ilə təsdiq edilən QAYDAya görə, 1-ci dərəcəli Qarabağ əlillərinə 8800, 2-cilərə 6600, 3-cülərə 4400 manat birdəfəlik ödəməni ƏƏSMN tabeliyində DSMF qazilərin ABB-dəki bank hesabına köçürməlidi(r). Qaydanın 1.2.4 yarımbəndinə görə, göstərilən məbləği almayanlara “qanpulu” tam məbləğdə ödənilir.

Prezident fərmanından 2 il, NK qərarından 14 ay keçir, amma hələ də nəinki proaktiv, heç interaktiv formada da “qanpulu”nu almayanlar var. Başına gələn başmaqçı olar, deyiblər, ilk 6 ayda başıma gələnlər “bugün-sabah”la başlayıb, son 6 ayda məktublarla davam edir. Dövlətin əlillər barəsində ayrı-seçkilik siyasətinə baxın: kiminə “qanpulu”, kiminə “qanlı” məktub.

“Azərsığorta” ilə DSMF-in dövlət icbari şəxsi sığorta departamentinin, ƏN-in Binəqədi icra şöbəsinin və s. mütəşəkkil dələduzluq, korrupsiya cinayətinə baxın, hesabıma bir qəpik ödəmədən 8800 manat ödəndiyini bildirirlər, 6 aydır bir-birindən sorğuya cavab ala bilmirlər. (?) Axırı, 16.08.2023-cü ildə DSMF sədrinin müavini Zəka Mirzəyev , bir ay sonra-15.09.2023-cü ildə Fondun dövlət  icbari sığorta departamentinin müdiri Kənan Hüseynov, elə indicə 22.09.2023-cü ildə yenidən DSMF sədrinin müavini Zəka Mirzəyev   1-ci dərəcə əlilliyimə görə, 8800 manat “qanpulu” nəzərdə tutulduğu haqqında MƏKTUB ünvanlayıblar. Məktubu yeyəcəm? “Qanpulumu” Prezident təqaüdünü aldığım Beynəlxalq Bankdakı 4127...9955 saylı hesab kartıma  köçürməyə indi nə mane olur? 

NK prezident fərmanının , qəbul etdiyi qərarın, təsdiq etdiyi qaydanın icrasını təmin edə bilmirsə, Ombudsman əlillər barəsində ayrı-seçkiliyə, Hesablama Palatası, Maliyyə Nazirliyi büdcə vədaitlərinin təyinatı üzrə yönəldilməməsinə haqq qarşılığında susursa, hüquq mühafizə orqanları şikayətlərdən rüşvət amacı ilə yararlanırsa , Prezident (Administrasiyası) xalqa pullu xidmətə keçibsə (dövlət başçısına yalnız poçtdan göndərilən  məktubla müraciət etmək olar), insanların sosial hüquqlarının durumunu göz önünə gətirin. Belə hökumətdən anlamsız məktubdan özgə nəsə gözləməyə dəyər? 

Əcəb “elektron hökumət”dir, “palaz-palaz” məktubların sayı-hesabı yoxdur. Elektron poçtun, Beynəlxalq Bankda isə hesabın tarixi 30 ildən çoxdur. Di gəl, nə borclu “Azərsığorta” 13-cü ildir tapa bilir, nə borclu DSMF-in Xüsusi Şərtlərlə Təyinat üzrə Mərkəzi Filialı 7-ci ildir (ləğv etdiyi(?) məhkəmə qərarı ilə ödədiyini 6 aydır bərpa edir, nə DSMF-in dövlət icbari şəxsi sığorta departamenti ilyarımdıır “qanpulu”nu köçürür. Məktub məktub dalınca. Məktubla “qanpulu” yox, qanqaralma qazanılır. 

Məğrur Bədəlsoy