Gundemxeber.az » Ölkə » Cəmiyyət » Eldar Mahmudovun dostu Ali Məhkəməyə üz tutdu - Girov qalmaqalı davam edir
Eldar Mahmudovun dostu Ali Məhkəməyə üz tutdu - Girov qalmaqalı davam edir
Mərkəzi Bankla keçmiş deputat Çingiz Əsədullayev arasında məhkəmə çəkişməsi davam edir.
Gundemxeber.az qaynarinfo-ya istinadla xəbər verir ki, birinci və apellyasiya instansiyalarında uduzan Çingiz Əsədullayev Ali Məhkəməyə kassasiya şikayəti verib.
Elşanə Vəliyeva iş üzrə hakim təyin edilib. Yaxın vaxtlarda şikayətə baxılacaq.
Keçmiş deputatla Mərkəzi Bank arasındakı məhkəmə çəkişməsi "AGBank” Açıq Səhmdar Cəmiyyətinin (ASC) lisenziyasının ləğvindən sonra başlanıb. Məlumat üçün deyək ki, Çingiz Əsədullayev "AGBank” ASC-nin əsas sahiblərindən hesab edilir.
Bankın lisenziyası ləğv ediləndən bir müddət sonra Mərkəzi Bank Nəsimi Rayon Məhkəməsində keçmiş deputata qarşı iddia qaldırıb. İşin mahiyyəti girov müqaviləsi üzrə mübahisələrdən ibarət olub.
Məlumata görə, Çingiz Əsədullayev birinci instasiya məhkəməsindən məğlu ayrılıb. Onun apellyasiya şikayəti də gözlənilən nəticəni verməyib. Bu halda keçmiş deputat Ali Məhkəməyə üz tutmaq məcburiyyətində qalıb.
Məsələnin detalları barədə məlumat yoxdur.
Çingiz Əsədullayev Milli Məclisin üçüncü çağırış deputatı olub. O, 90 saylı Ağdaş seçki dairəsindən deputat mandatı qazanıb. Keçmiş deputat həm də keçmiş milli təhlükəsizlik naziri Eldar Mahmudovun dostu kimi tanınır.
Gundemxeber.az
Oxşar yazılar :
-
-
Mərkəzi Bankla Mahmudovun dostu arasında girov ...
5-12-2023, 18:08
-
Eldar Mahmudovun bankir dostu “MTN işi”nə cəlb ...
20-12-2016, 00:27
-
Eldar Mahmudovun dostu keçmiş rəisə qarşı - ...
15-03-2022, 18:46
-
Eldar Mahmudovun digər bankir qudasını da ...
19-10-2015, 17:38
-
Bu gün ləğv olunan bankların arxasında hansı ...
13-05-2020, 12:37
Sorğu
Hansı nəqliyyat növündən daha çox istifadə edirsiniz?