Bu il Qurban bayramı iyunun 16-da qeyd olunacaq. İslam dünyası üçün böyük əhəmiyyət kəsb edən bu bayram dörd gün davam edəcək.

Müsəlmanlar Qurban bayramında Allahın rizasını qazanmaq üçün müəyyən meyarlara uyğun heyvanları düzgün şəkildə kəsərək dini vəzifələrini yerinə yetirəcəklər.
Bu zaman isə vətəndaşları maraqlandıran bəzi nüanslar var. Məsələn, qurbanı nə vaxt kəsmək lazımdır? Kimlər qurban kəsməyə borcludur?Kredit kartı və yaxud hissə-hissə ödəməklə qurban kəsmək olar? Quzu yerinə, başqa heyvan kəsmək nə dərəcədə doğrudur?

Gundemxeber.az xəbər verir ki, ilahiyyatçı Hacı Atif İsmayılov “Sherg.az”a bildirib ki, əslində Qurban bayramı Həcc əməlidir:

"Yəni, Allahın evini ziyarət edənlər Həccin bütün əməlləririni yetirdikdən sonra, qoç, iribuynuzlu və yaxud dəvə kimi heyvandan qurban kəsir. Amma həcc ziyarətində olmayan insanlara Qurban kəsmək vacibi əməl deyil, hər kimin imkanı varsa , həmin gündə yuxarıda qeyd edilən heyvanlardan kəsib kasıb və ehtiyaclı insanlara versə, savab və yaxşı iş görmüş sayılar. Amma Həcc ziyarətində olanlar Zilhiccə ayının 10- Həccin əməllərini bitirəndən sonra kəsməlidirlər. Həccdə olmayan şəxslər isə həmin günü səhəri gün nə zaman istəsə, qurban kəsə bilərlər. Amma imkanı olmayan insanların kredit və ya borc edərək qurban kəsməsi vacibi əməl deyil, buna heç bir zərurət yoxdur. Bir neçə nəfər öz aralarında müəyyən bir vəsait yığıb bir, iki və daha çox heyvan kəsib kimsəsiz, maddi durumu zəif olan şəxslərə paylasa,savab hesab olunar. İslamin bizə tövsiyə etdiyi Qurbanlığın hökmü də bu cürdür. İri-xırda buynuzlu, quzu , qoç, keçi , dəvə və s heyvanlarin kəsilmə seçimi insanların maddi durumundan asılı olaraq dəyişir. Allah bütün xalqımızın, həm ziyarətini həm də kəsdiyi qurbanları qəbul etsin ”. 

Gundemxeber.az