Bu günlərdə Rusiyanın Volqoqrad vilayətində bəy toydan dərhal sonra gəlini xəyanətdə ittiham edərək yandırıb.

27 yaşlı qadını yanıq xəsarətləri ilə xəstəxanaya yerləşdiriblər. Onun bədəninin 80%-i yanıb. Həkimlər onu xilas edə bilməyiblər. Polis artıq hadisəni araşdırır. Hadisəni törədən şəxs saxlanılıb. 30 yaşlı kişi əvvəllər də qətlə görə cəza çəkib.

Toy gecəsində kişi həyat yoldaşının ona xəyanət etdiyindən şübhələnib. Gəlinin üzərinə spirt tökərək yandırıb. Rusiya mətbuatının yazdığına görə, toydan dərhal sonra sərxoş vəziyyətdə olan bəy yatıb.

Bəyin bu hərəkəti yeni gəlinin xoşuna gəlməyib. Bu səbəbdən də gecəni başqa bir kişinin yanında keçirib. Geri qayıdanda isə hər şeyi ərinə danışıb. Baş vermiş xəyanət isə yuxudan ayılan əri qəzəbləndirib./musavat.com