Müddətdən artıq hərbi qulluqçu taksi sürücülərini soydu və onlara qarşı dələduzluq etdi

Dələduzluqda və soyğunçuluqda təqsirli bilimən Müdafiə Nazirliyinin “N” saylı hərbi hissəsinin müddətdən artıq hərbi qulliqçusu - Gəncə şəhər sakini, 1994-cü il təvəllüdlü Tural Babayevin cinayət işi üzrə məhkəmə prosesi başa çatıb.
İttihama görə, Tural Babayev zərərçəkmiş şəxsin əmlakını açıq talayıb soyğunçuluq edib və təkrarən aldatma yolu ilə özgələrin əmlakını ələ keçirərək dələduzluq cinayəti də törədib.
Belə ki, o, hərbi hissənin maddi-texniki təminat bölüyünün avtomobil tağımının 2-ci avtomobil manqasının sürücüsü vəzifəsində, müddətdən artıq həqiqi hərbi xidmətdə əsgər hərbi rütbəsində xidmət edərkən cinayət törədib.
Tural Babayev 29 oktyabr 2016-cı il tarixdə, saat 19 radələrində özgənin əmlakını talamaq məqsədi ilə Gəncə şəhər Dəmiryol Vağzalının yaxınlığında taksi kimi dayanmış 99-DR-861 dövlət nömrə nişanlı avtomobilin sürücüsü Amid Namazova yaxınlaşıb və onu Gəncə şəhər Abbas Səhhət adına xəstəxanaya aparmasını deyib.
Taksi sürücüsü də etiraz etməyərək onu Gəncə şəhər Abbas Səhhət adına xəstəxanaya gətirib. Həmin vaxt Tural Babayev xəstəxananın həyətində zəng etmək adı ilə Amid Namazova
məxsus “Samsung Galaxy G-530 Prime” markalı mobil telefonu alıb və oradan qaçıb.
Amid Namazov onun arxasınca qaçaraq telefonunun onun qaytarılması üçün cəhd edib. Buna baxmayaraq Tural Babayev hadisə yerindən uzaqlaşıb.
Bundan əlavə, Tural Babayev həmin il noyabrın 24-də, saat 18 radələrində Gəncə şəhər R.Qasımov küçəsi ilə Atatürk prospektinin kəsişməsində taksi fəaliyyəti ilə məşğul olan “Vaz 21099” markalı avtomobilin sürücüsü Vəli Ələkbərovdan onu Gəncə şəhər 2 saylı xəstəxanaya aparmasını istəyib. Taksi sürücüsü də onu həmin ünvana aparıb.
Yolda Tural Babayev zəng etmək adı ilə Vəli Ələkbərova məxsus 150 manat dəyərində olan “Samsung Galaxy Grand Prime” markalı mobil telefonu onun əlindən alıb. Telefonu alan Tural Babayev maşından düşərək gedib.
Daha sonar Tural Babayev noyabrın 20-də, saat 17 radələrində Gəncə şəhər Ə.Hüseynzadə küçəsində taksi fəaliyyəti ilə məşğul olan “Vaz 2107” markalı avtomobilin sürücüsü Kamil Nəbiyevə cinayət törətmək qərarına gəlib. O, Kamil Nəbiyevə yaxınlaşaraq onu Gəncə şəhər Mahrasa bağı adlanan əraziyə aparmasını deyib. Taksi sürücüsü də etiraz etməyərək onu Mahrasa bağına aparıb. Bu zaman yolda o, zəng etmək adı ilə Kamil Nəbiyevə 140 manat dəyərində olan “Samsung Galaxy S3” markalı mobil telefonu alıb və avtomobildən düşərək gedib.
Növbəti dəfə Tural Babayev taksi sürücüsü Elçin Qurbanova qarşı dələduzluq edib. O, noyabrın 20-də, saat 19 radələrində Atatürk prospektində taksi fəaliyyəti ilə məşğul olan “Priora” markalı atomobilin sürücüsü Elçin Qurbanova yaxınlaşıb və onu Gəncə şəhəri, Bayan küçəsinə aparmasını istəyib.
Taksi sürücüsü də etiraz etməyərək onu maşının mindirib. Yolda Tural Babayev zəng etmək adı ilə Elçin Qurbanova məxsus 160 manat dəyərində olan “Samsung Galaxy Grand Prime” markalı mobil telefonu alıb və avtomobildən düşərək getməklə aldatma dələduzluq edib.
Tural Babayev Cinayət Məcəlləsinin 178.2.2-ci (təkrar dələduzluq törətmək) və 180.1-ci (soyğunçuluq, yəni özgənin əmlakını açıq talama) maddələri ilə ittiham edilib.
Gəncə Hərbi Məhkəməsinin hokum ilə Tural Babayev 2 l 11 ay 25 gün müddətinə azadlıqdan məhrum edilib. Hökmdən narazı qalan təqsirləndirilən şəxs apelyasiya şikayəti verib. O, barəsində Cinayət Məcəlləsinin 70-ci (şərti məhkum etmə) maddəsinin tətbiq edilməsini istəyib.
Tural Babayevin şikayəti araşdırılması üçün Gəncə Apelyasiya Məhkəməsinə göndərilib. Apelyasiya şikayəti hakim Çingiz Məmmədovun sədrliyi ilə baş tutan prosesdə araşdırılıb.
Cəfər Hacıyev bildirib ki, birinci instansiya məhkəməsi Tural Babayevə cəza təyin edərkən, onun barəsində olan yüngülləşdirici halları nəzərə almayıb: "Məhkəmə ədalət və hümanizim prinsiplərini pozaraq Tural Babayevə ağır cəza təyin
edib. Həmin cəza məhkumun şəxsiyyətinə və cinayət əməlinin ictimai təhlükəlilik dərəcəsinə uyğun deyil. Məhkəmə Tural Babayevin törətmiş olduğu cinayət əməlini səmimi etiraf etməsini, əməlindən peşmançılıq hissi keçirməsini, ailəli olmasını, anasının himayəsində olmasını nəzərə almayıb. Bütün bu sadaladığım halların olmasına baxmayaraq ona azadlıqdan məhrum etmə cəzası təyin edilib. Odur ki, bütün bu halların nəzərə alınmasını, onun barəsində elan olunmuş hökmün dəyişdirilməsini, ona Cinayət Məcəlləsinin 70-ci maddəsinin tətbiq edilməsini, onun cəzasının şərti hesab edilməsini xahiş edirəm".
Apelyasiya şikayəinə dövlət ittihamçısı Eldar Əhmədov etiraz verib. O etirazını onunla əsaslandırıb ki, birinci instansiya məhkəməsinin gəldiyi nəticələr məhkəmə iclaslarında təsdiq edilmiş sübutlara əsaslandırılıb: "Həmçinin təyin olunmuş cəza cinayətin xarakterinə və ictimai ictimai təhlükəlilik dərəcəsinə, məhkumun şəxsiyyətinə uyğundur. Ona ədalətli cəza təyin edilib. Bu səbəbdən birunci instansiya məhkəməsi hökmünün dəyişdirilməçəsini, apelyasiya şikayətinin təyin edilməçəsini tələb edirik".
Apelyasiya şikayətinin dəlillərini araşdıran hakim heyəti sonda qərar elan edib. Qərara görə, Tural Babayevin apelyasiya şikayəti təmin edilməyib, birinci instansiya məhkəməsinin hökmü qüvvədə saxlanılıb.

Aslan
gundemxeber.az