“Hamıya təşəkkür edirəm. Sosial şəbəkələrdə də, xəbər saytlarında da məni təbrik edən hər kəsə çox minnətdaram. Bu, diqqətdir. Diqqət üçün hamınız sağ olun. Çox təəssüf ki, elə yerdəyəm ki, bu saat çox danışıb nəsə deyə bilmirəm. Bağdayam, camaat da bura təbrikə gəlib. Ona görə də sizinlə çox danışıb suallarınıza cavab vermək imkanım yoxdu. Amma bir daha həm sizə, həm məni təbrik edən hər kəsə dərin təşəkkürümü çatdırıram”.

Bunu xalq artisti, klassik estrada musiqisinin korifeylərindən olan Akif İslamzadə deyib.

Qeyd edək ki, məşhur musiqilərin ifaçısı olan Akif İslamzadənin bu gün 69 yaşı tamam olur. Akif İslamzadə Moderator.az vasitəsilə onu təbrik edənlərin hamlısına təşəkkürünü bildirib.
Xalq artisti Akif İslamzadə 1948-ci ilin bu günündə Bakıda anadan olub. İxtisasca istehlakçı mühasib olsa da, özünəməxsus səs tembri ilə hamının sevimlisinı çevrildi. Onun oxuduğu mahnılar bu gün də klassik estradamızın şah əsərlərindən sayılır. /moderator.az