"Jara” festivalının təşkilatçısı Emin Ağalarov Rusiyanın əməkdar artisti Zaranın Bakıya gəlməyi məsələsinə münasibət bildirib.

Emin festivalın açılışı münasibətilə təşkil olunan mətbuat konfransında bildirib ki, buna münasibəti çox sadədir:

"Zara kürddür. Bu işdə neqativ görənlərin öz fikri var. Mən hamının fikrinə hörmət edirəm. Ancaq musiqi festivalı müsbət emosiya deməkdir. Mən bunun belə olmasını və pozitivliyin qorunub-saxlanmasını istəyirəm”.

Qeyd edək ki, sosial şəbəkələrdə Zaranın erməni əsilli olması və Bakıya gəlişinin doğru hesab edilməməsi haqda fikirlər səslənirdi. Təşkilatçılar isə Zaranın Bakıya gələcəyini deyib.