“Çox rollar olub ki, arzuladım, istədim oynayım, amma oynaya bilmədim”.

Gundemxeber.az Yenicag.az-a istinadla xəbər verir ki, bunu tanınmış aktrisa, Xalq artisti Fatma Mahmudova deyib.
O, arzuladığı, amma hələ də oynamadığı obrazdan danışıb:
“Çox rollar olub ki, arzuladım, istədim oynayım, amma oynaya bilmədim. Bu gün də sual versələr ki, hansı obrazı oynamaq istəyirsən, həmin obrazın adını çəkərəm: Alber Kamyunun əsərində ana obrazı… Bilmədən öz oğlunu öldürən bir ana obrazıdır. Özümün də içimdə bir övlad yanğısı var idi, ya nədənsə, o obraz ruhuma çox yaxındır.
Hamı məni komediya aktrisası kimi tanıyır. Elə bilirlər, yalnız komediya obrazlarını oynayıram. Elə deyil. Daha çox faciəvi-dramatik aktrisa olmuşam. Elə oynadığım faciə roluna görə də 1989-cu ildə Əməkdar artist fəxri adına layiq görülmüşəm”. 

Gundemxeber.az