“Nezavisimaya Qazeta” Leyla Yunusla bağlı ilginc faktları açıqladı

Sülh və Demokratiya İnstitutu qeyri-hökumət təşkilatının sədri Leyla Yunusun iki gün əvvəl hava limanında saxlanılması, evində axtarışların aparılması və respublika prokurorluğunda dindirilməsi yerli mətbuatla yanaşı, xarici KİV-lərin də diqqətindədir. Rusiyanın “Nezavisimaya Qazeta” mətbu orqanında dərc olunan məqalədə vurğulanır ki, Leyla Yunus və yoldaşı Arif Yunus Bakı-Doha-Paris təyyarəsinə bilet alaraq, Azərbaycanı birdəfəlik tərk etmək qərarına gəlmişdilər: “Hadisə şahidlərinin sözlərinə görə, bu paradoksal vəziyyətdə maraqlı məqam ondan ibarət idi ki, Leyla və Arif Yunuslar aeroporta Fransa səfirliyinin avtomobilində gəlmişdilər. Hüquq müdafiəçilərini Fransa səfiri və ABŞ-ın Azərbaycandakı müvəqqəti işlər vəkili müşayiət ediblər. Qeyd olunmalıdır ki, L.Yunus hüquq müdafiəçisi olmamışdan əvvəl Sosial-Demokrat Partiyasının üzvü idi. Xalq Cəbhəsinin hakimiyyəti dövründə isə Müdafiə Nazirliyində analitik-informasiya bölməsinə rəhbərlik edirdi. Məhz həmin dövrdə L.Yunus qeyri-demokratik addımları ilə yadda qalırdı. O, avtomatlı dəstələri özünün şəxsi problemlərini həll etmək üçün müxtəlif dövlət idarələrinə göndərirdi”.
Məqalədə vurğulanır ki, hüquq müdafəçisi kimi də ona münasibət birmənalı deyil. Əhalinin bəzi hissəsi üçün o, daima hakimiyyəti tənqid edən, mütəmadi olaraq terrorçu və separatçıların da adının düşdüyü siyasi məhbus siyasi məhbus siyahıları hazırlayan biri kimi yadda qalıb: “İndi bir çoxları sual verir ki, əgər L.Yunus qeyri-qanuni hərəkətlərə yol verməyibsə, nə üçün tələsik ölkəni tərk etmək istəyir? Bu addımı ilə o, məşhur jurnalist və L.Yunusun təşkilatının həyata keçirdiyi layihələrin fəal iştirakçısı Rauf Mirqədirovu da çıxılmaz vəziyyətə salıb”.
L.Yunusun saxlanılması, onun ofisində və evində axtarışların aparılması erməni mətbuatının da diqqətində olub. Ermənistanın mətbuat orqanları L.Yunusun müdafiəsi ilə bağlı silsilə məqalələr çap edirlər. O, “Azərbaycanda repressiya qurbanı» kimi təqdim edilir. “Novosti Armenia”, Panarmenian, Panorama, qazeta “Erkramas”, Epress.am və digər saytların baş yazıları məhz L.Yunusun saxlanılması və müdafiəsinə həsr edilib. O, azərbaycanlılar və ermənilər arasında körpü yaratmağa səy göstərən hüquq müdafiəçisi kimi təqdim edilir. Hətta məqalələrdə o, Əkrəm Əylisli ilə də müqayisə edilir.
R.Əlicanlı