Ermənistan ordusu işğal altında saxladığı Azərbaycan ərazilərində daha bir itki verib.

Musavat.com-un Ermənistan KİV-inə istinadən yaydığı məlumata görə, mayın 11-də gedən intensiv atışmalar zamanı atıcı silahlardan və qumbaraatanlardan istifadə olunub. Nəticədə erməni hərbçi, 1996-cı il təvəllüdlü Armen Martirosyan məhv edilib. Ermənistan tərəf faktla bağlı araşdırmaların aparıldığını da bildirib. Hərbçinin Qarabağ, yoxsa Ermənistan ermənisi olduğu açıqlanmır.

Qeyd edək ki, son vaxtlar İrəvan Ermənistandan olan və məhv edilən hərbçilərlə bağlı məlumatlarda onların doğum yerini açıqlamır və rəsmi xəbərləri Qarabağdakı separatçı rejimə istinadən yaymağa üstünlük verir.

Cavid TURAN