Moskvada Rusiyanın xarici işlər naziri Sergey Lavrov və ABŞ dövlət katibi Con Kerri arasında görüş başlayıb.

gundemxeber.az APA-ya istinadən bildirir ki, S. Lavrov görüşdə Suriyadakı vəziyyət, Ukrayna böhranı, Dağlıq Qarabağ münaqişəsinin həlli və iki ölkə arasındakı münasibətlərə dair məsələlərin müzakirə olunacağını deyib.

C. Kerri də müzakirə mövzularından birinin Dağlıq Qarabağ münaqişəsinin həlli olacağını təsdiqləyib. O, rusiyali həmkarı ilə Yaxın Şərqdəki vəziyyət, eləcə də Dağlıq Qarabağ münaqişəsinin nizamlanmasına dair müzakirə aparacağını vurğulayıb.

Görüşdən sonra S. Lavrov və C. Kerri birgə mətbuat konfransı keçirəcəklər.

Qeyd edək ki, bir gün öncə ABŞ dövlət katibini prezident Vladimir Putin qəbul edib.