Yanan bina ilə bağlı qurulan məhkəmədə qalmaqal baş verdi, hakim vəkillərin sözünü kəsdi

Dünən Bakı Ağır Cinayətlər Məhkəməsində Binəqədi rayonunda 16 mərtəbəli binada baş verniş dəhşətli yanğınla bağlı həbs olunan “Qlobal Stone” MMC-nin baş direktoru Uğur Bəşirov, “Global Construction” MMC-nin təsisçisi və idarə heyətinin sədri Miryusif Mahmudov və digər şəxslərin cinayət işi üzrə məhkəmə prosesi davam edib.

Hakim Əfqan Hacıyevin sədrliyi ilə keçirən prosesdə zərərçəkmiş Ağasəlim Cəfərov ifadə verib. O bildirib ki, hadisə vaxtı Bakıda olmayıb: “Qardaşım mənə zəng etdi və binanın yandığını bildirdi. Mən Bakıya gələndə yanğın söndürülmüşdü. Evim yanmışdı, mənə ziyan dəymişdi. Dəymiş ziyanı dövlət ödəyib, heç kimdən şikayətim yoxdu”.

Daha sonra şahid qismində Fövqəladə Hallar Nazirliyinin xüsusi xilasedici qrupunun əməkdaşı Elçin Əbilov bildirib ki, hadisə baş verən günü yanğınla bağlı həyəcan siqnalı alıblar: “Bizdə hadisə yerinə gəldik. Biz ora çatanda hamı təlaş içində idi. Bunanın üzlüklərinin şüşələri çox qalın idi. Biz həmin üzlüklərin şüşələrini sındırırdıq ki, binanın içində olan tüstü çıxsın. Həmin vaxt şüşə əlimi kəsdi”.

Şahid qeyd edib ki, hadisə vaxtı alov bütün binanını bürümüşdü. Onun sözlərinə görə, hadisə vaxtı partlayış səsi eşitməyib.

Daha sonra vəkillərin şahidə təkrar suallar verməsi hakim Əfqan Hacıyevi hövsələdən çıxarıb. Hakim Miryusif Mahmudovun

vəkili Ilhamə Həsənovaya xəbərdarlıq edib. Digər vəkillərin də mübahisəyə qarışıb. Bu zaman hakimlərlə vəkillər arasında mübahisə olub. Əfqan Hacıyev vəkilləri şou yaratmaqda günahlandırıb.

FHN-nin digər əməkdaşı Anar Hacıyev bildirib ki, hadisə vaxtı onların işləri xilasetməkdən ibarət olub: “Tüstülənmə güclü olduğu üçün biz maskadan istifadə etmişik. Orada qapıları sındırmışıq, sakinləri xilas etmişik”.

Şahid ifadəsində qeyd edib ki, xilasetmə işini 14.00-da başa çatdırıblar. Vəkillərdən biri qeyd edib ki, şahidin məhkəmədə verdiyi ifadəsi ilə istontaqa verdiyi ifadəsi arasında ziddiyət var. Vəkil əlavə edib ki, şahid istintaqa verdiyi ifadəsində xilasetmə işini saat 17.00-da yekynlaşdırıblar. Şahid bu ziddiyyəti belə izah edib: “Bizim olduğumuz qurup xilasetmə işlərini saat 14.00-da yekunlaşdırıb, digər qurup xilasetmə işlərini davam etdirib”.

Digər xilasedici Asif Əhmədov bildirib ki, hadisə vaxtı binanın içinfə yanğındöndürənlərdən biri xəsarət alıb: “Mən həmin yanğınsöndürəni xilas etdim. Binanın 3 və 4-cü mərtəbələrinə qədər qalxmışam. Daha sonra binanın həyətində çəpərlənmədə dayanmışam”.

Sonra S.Dadaşov adına Elmi-oTədqiqat və Layihə- Konstruktor İnşaat Materialları İnstitutunun beton işləri üzrə mütəxəsisi Azər Xanlarov ifadə verib. O bildirib ki, 2011-ci ildə Poliüretan materiallarının tərkibinin yoxlanılması üçün müraciət olunub: “Həmin materialların keyfiyyəti ilə bağlı yoxlama aparılıb və sertifikat verilib. Yoxlama zamanı həmin materialın çətin yanan

materallara aid olması müəyyən edilib. Biz ilkin verilən məhsullara görə belə rəy vermişik, sonrakı materallardan xəbərimiz olmayıb. Bu materialları açıq havada yoxamaq imkanımız olmayıb. Yalnız bufer yoxlaması aparılıb və rəy verilib”.

İttihama görə, “Qlobal Stone” MMC-nin baş direktoru Uğur Bəşirov, “Global Construction” MMC-nin təsisçisi və idarə heyətinin sədri Miryusif Mahmudov, həmin cəmiyyətin idarə heyətinin sədr müavini Ələkbər Əsgərov, Binəqədi rayon İcra Hakimiyyəti başçısının sabiq birinci müavini Qəzənfər Novruzov, 2012-2013-cü illərdə Binəqədi rayon Mənzil Kommunal Təsərrüfat Birliyinin rəisi işləmiş rayon icra hakimiyyətinin təsərrüfat şöbəsinin müdiri Ədalət Rəcəbov, Binəqədi rayonu, 72 saylı Mənzil Kommunal İstismar Sahəsinin rəisi Nizami Orucov, “Dərnəgül Boru Zavodu” Qapalı Səhmdar Cəmiyyətinin sınaq laboratoriyasının müdiri Ağacavad Məmmədov həbs olunublar.

"Gündəm Xəbər"