Bu şöbələr borclu Dövlət Sığorta Kommersiya Şirkəti (DSKŞ) rüşvətilə dələduzluq edirlər. Belə ki, indiyədək onlar icranı təmin etməyiblər. İcra öncə Nəsimi rayonunda olub. Ramin Muradov cəmi 500 manatı öz hesabına köçürdüb, qalanını isə DSKŞ ilə rüşvət əlaqəsinə girərək, guya ki, Binəqədi İŞ-nə köçürdüb. Özü də qanunda nəzərdə tutulduğundan 10 dəfə az. İndi sual edirəm. Mənim də hesabım Beynəlxalq Bankdadır, borclu DSKŞ-nın da. Bunun nə marağındadır ki, borcunu mənim hesabıma yox, 500 manatını Nəsiminin, qalanını isə Binəqədinin başqa banklarda olan hesablarına köçürür? Və lap olsun, niyə bu İŞ-lər indiyədək pulumu hesabıma köçürmürlər? Bunları məhkəməyə də verirəm. ƏN vasitəsilə məhkəmə hüququma da qadağa qoyurlar. İŞ-lər bilmir ki, tələbkar mənəm, onlar yox. Niyə öz hesablarına mənim pulumu alıb vermirlər? Niyə BB-dakı hesabıma köçürmürlər? Bunların deməyinə görə, bunların depozit hesabındadır. Bunu mənim hesabıma köçürmək belə çətindir? Depozit hesablarındadırsa, deməli 5 ildə faiz də gəlməlidir. Mənim pulumu faizilə birgə ödəsinlər.12.01.2017-də Binəqədi İŞ-nin 28.12.2016 tarixli məktubunu aldım. Rəis Araz Hüseynov yazır ki, Nəsimi İŞ-nin hesabına 500 mant, Binəqədinin hesabına 880 manat borclu pul köçürüb. Birincisi niyə 2 ayrı şöbəyə pul keçirilib? Axı dediyim kimi, öz hesabım var. İkincisi, niyə on dəfə az-880 manat keçirilib? Niyə icra şöbəsi qanunun tələbinə uyğun məbləği borcludan almır? Özü də Binəqədi m-sinin 05.03.2013 tarixli (Abbas Rzayev) qərarında məbləğin 11 min olduğu yazılıb. Ali Məhkəmə də bunu 2 dəfə təsdiq edib. Eyni zamnada Konstitusiya Məhkəməsi 28.01.2014 tarixli qərarı ilə məbləğin 2006-dakı qəbul olunan məbləğdən-11 min manatdan az ola bilməzliyini təsbit edib. İndi hansı əsasla bunlar KM-in qərarını mübahisələndirib, məbləğin on dəfə az olmasına qərar veriblər. Mən tələbkar kimi tələb edirəm: 1.Nəsimiyə və Binəqədiyə keçirilən vəsait indeksləşdirilərək hesabıma köçürülsün. Prezident özü də fərman verib ki, nağdsız hesabılaşmalarla ödəniş edilsin. 2.Borclu KM-in 28.01.2014 ,Ali Məhkəmənin 13.03.2014 tarixli,Binəqədi rayon Məhkəməsinin 05.03.2013 tarixli qərarları ilə göstərilən 11500 manatı indeksləşdirərək hesabıma keçirməsini, ƏN-in mərkəzi icra idarəsi təmin etsin. Yoxsa, X.Zeynalovu N.Mustafayev əvəz etsə də, icra dələduzluğuna son qoyulmayıb. Mən heç yerə gedən deyiləm. Pul mənim bank hesabıma köçürülməlidir. Bunu təmin etmək isə, icra baş idarəsinin işi və vəzifəsidir. Sizdən 6 ildir ki, icra olunmayan icra sənədinin icrasını təmin etməyi və təqsirkar icra şöbələrinin və hakimlərin cəzalandırılmasını tələb edirəm.

DİN-in 1-ci qrup Qarabağ əlili, jurnalsit Məğrur Bədəlsoy