Türkiyənin tanınmış ictimai xadimi, “Doğru Yol Partiyası”nın (DYP) sədr köməkçisi və “Business Channel” şirkətinin baş direktoru Seyhan Soylu Moskvada Qırmızı Meydanda 20 Yanvar şəhidlərini anmaq üçün aksiya keçirib.

Bu barədə Azərbaycan mətbuatına Dünya Azərbaycanlılarının Mədəniyyət Mərkəzinin vitse-prezidenti Hacı Quliyev məlumat verib. H.Quliyev bildirib ki, bu qürurverici hərəkət Türkiyə mətbuatında da geniş ayrılıb:

“Aksiyanı həyata keçirən Seyhan Soylu Azərbaycanı və azərbaycanlıları sevən, doğmalığını əskik etməyən Türkdür. Onun bu jesti həqiqətən alqışlanacaq, tarixə düşəcək amildir. Təbii ki, bu hadisə Qardaş ölkə Türkiyədə də qürurla anılıb. Türk mətbuatı da hadisəni əsas manşetlərində yayımlayıb. “Azərbaycana andım vardı” adlı məqalədə təəssüratlarını bölüşən Seyhan xanım aksiyanı 20 Yanvar şəhidlərinə, Ulu Öndər Heydər Əliyevə və Türkiyə Cümhuriyyətinin banisi Mustafa Kamal Atatürkə həsr edib.”



İctimai xadim Hacı Quliyevin təşəbbüsü ilə Azərbaycan mətbuatına təqdim etdiyi Seylan Soylunun müəllifi olduğu həmin məqaləni oxuya bilərsiniz:

“Azərbaycana andım vardı

Azərbaycan tarixində son dərəcə kədər verici hadisələr meydana gəlmişdi. Bu hadisələri biz Türkiyədə yaşayanlar əsla unutmamalıyıq. Türkiyə-Azərbaycan üçün nəysə, Azərbaycan da Türkiyə üçün eynidir. Xatırlayacağınız üzrə; Azərbaycan Türkləri üzərində planlı olaraq baş verən qırğınlar səbəbiylə minlərlə qardaş ölkə insanı həyatını itirmişdir. Bu kədərli hadisələrdən biri də 1990-ci ilin 19 Yanvardan 20 Yanvara keçən gecə Sovet Sosialist Respublikalar Birliyi (SSRİ) ordusunun günahsız insanlar üzərində həddindən artıq güc istifadə etməsi nəticəsində bir çox adamın qətl edilməsiylə sona çatmışdır. Bakıda yaşanılan qırğında 150 qardaşımız şəhid edildi. Bu tarix, Azərbaycan tarixinə “Qara Yanvar” olaraq daxil oldu. Bu tarix müstəqilliyin işarələrindən biri oldu.



Azərbaycan xalqının yanındayam

27 il əvvəl Bakıda qətl edilən 150 günahsız azərbaycanlı qardaşımızı anmaq üçün uzun bir zamandır belə bir aksiya etmək istəmişdim. Ancaq Türkiyədə mənimlə birlikdə bu aksiyaya imza atacaq kimsəni tapa bilmədim. Bu qırğın məni dərindən kədərləndirdi. İnancıma görə, bir daha Xəzərin günəşini görə bilməmiş olsalar da, o qırğından sonra Azərbaycanda günəş heç batmadı. Eynisi ölkəmiz üzərindən də oynanmaq istənildi. Türkiyədə 15 İyulda həyatını vətəni üçün fəda edən 247

demokratiya şəhidimiz canlarıyla buna mane oldu. Mən bu zərbəni “Qara Yanva” kimi görürəm. İki mübarizə də demokratiya üçün verildi və qanlar axdı. Bu çevriliş cəhdinə ilk reaksiya qardaş Ölkə Azərbaycandan gəldi. Çünkü biz iki bayrak, iki dövlət ola bilərik, amma tək millətik. Hər zaman bir-birimizğ dəstək olmalıyıq. Mən bu hadisəni etiraz etmək üçün təyyarə ilə Moskvaya getdim. Çünki ağrıları acımız oldu və mən Seyhan Soylu olaraq orada olmalıydım, tarix bu yükü çiyinlərimə yükləmişdi. Moskvaya çatar-çatmaz ayağımın tozuyla Türkiyə və Azərbaycan bayraqlarının üzərində olduğu pankartımı açdım. Türk milləti adına aksiyamımızı gerçəkləştirdim. Mən bu aksiyanı ölümsüzlük şərbətini içən bütün qardaşlarıma, Heydər Əliyevə, Mustafa Kamala və iki xalqın bütün demokratiya şəhidlərinə həsr edirəm. Başımız sağ olsun.”