Bu gün Mərkəzi Seçki Komissiyasının (MSK) növbəti iclası keçirilib.

İclasda seçki bülletenlərinin mətni, forması, sayı və hazırlanması qaydası müzakirəyə çıxarılıb.

Məsələ barədə MSK katibi Arifə Muxtarova məlumat verib. A. Muxtarova bildirib ki, Seçki Məcəlləsinin tələbinə əsasən seçicilərin sayının 3 faizindən artıq olmamaq şərti ilə seçki bülleteni hazırlanmalıdır. Aprelin 11-nə təyin edilmiş prezident seçkiləri ilə əlaqədar 5 milyon 347 min 804 ədəd seçki bülleteni hazırlanacaq.

Məsələ səsverməyə çıxarılaraq qəbul edilib./APA