Aprelin 25-də Ankara şəhərində Azərbaycan Respublikasının Prezidenti İlham Əliyevin və Türkiyə Respublikasının Prezidenti Rəcəb Tayyib Ərdoğanın iştirakı ilə sənədlərin imzalanması mərasimi olub.

Mərasim Azərbaycan-Türkiyə Yüksək Səviyyəli Strateji Əməkdaşlıq Şurasının VII iclası başa çatdıqdan sonra baş tutub.

Sənədləri Azərbaycan və Türkiyə tərəfdən Elmar Məmmədyarov, Ramin Quluzadə, Şahin Mustafayev, Əbülfəs Qarayev, Zakir Həsənov, Mövlud Çavuşoğlu, Hülusi Akar və başqaları imzalayıblar.

Bundan başqa, prezidentlər İlham Əliyev və Rəcəb Tayyib Ərdoğan Azərbaycan-Türkiyə Yüksək Səviyyəli Strateji Əməkdaşlıq Şurasının VII iclasının protokolunu imzalayıblar./AzərTac