"İnter"in baş məşqçisi Kaxaber Sxadadze bir müddət öncə komandanın 3 futbolçusu - Samir Zərgərov, Haynts Barmettler və Cako Arafatı əvəzedici heyətə göndərmişdi. Zəif təsir bağışladıqları üçün gürcü mütəxəssisin "qara siyahı"sına düşən oyunçulardan birincisi daha sonra yenidən əsas heyətə qayatrılsa da, digər iki futbolçu hələ də əvəzedici komandada məşq keçirdi.
Artıq "İnter" həmin futbolçulardan biri ilə yollarını ayırıb. Paytaxt klubu qış fasiləsini gözləmədən Haynts Barmettlerlə əməkdaşlığa son qoyulub. Daxili nizam-intizam qaydalarını pozan Barmettler sonda komandadan kənarlaşdırılıb.
Barmettler bu il İsveçrənin "Sürix" klubundan transfer olunmuşdu (2006-2012, 64 oyun). "İnter"də oynadığı dövrdə Dominikan Republikasının yığmasına dəvət alan futbolçu əvvəllər İsveçrənin U-21 (9 oyun) və A millilərində (1 oyun) çıxış edib.