İyulun 16-da Türkiyədə baş vermiş uğursuz hərbi çevriliş cəhdindən sonra başlayan FETÖ / PDY təmziliyi futboldan da yan keçmədi.

gundemxeber.az goal.az-a istinadən xəbər verir ki, Türkiyə Futbol Federasiyasının bütün komitələri araşdırmanı asanlaşdırmaq üçün istefa verdi. Artıq Mərkəzi Hakimlər komitəsinin 5 üzvü FETÖ / PDY qruplaşması ilə əlaqəsinə görə istefaya göndərilib.

Goal.az xəbər verir ki, çempionatın başlanma tarixinin yubanması şübhələri də meydana çıxıb. Klublar birliyi avqustun 11-də toplantı keçirərək bir sıra məsələləri müzakirə etməyə hazırlaşır.

TFF isə "paralel"lə əlaqəsi olan 105 nəfərlə münasibətini pozub.Onların bölgələrdə fəaliyyət göstərən əsas və yardımçı hakimlər, həmçinin regional komitələrin nümayəndələri olduğu bildirilir.