Kolumbiyada keçirilən futzal üzrə dünya çempionatında qrup mərhələsinə bu gecə yekun vurulacaq. gundemxeber.az goal.az-a istinadən xəbər verir ki, F qrupunda mübarizə aparan Azərbaycan yığması son görüşündə İranla üz-üzə gələcək.

İki turdan sonra qrup ikincisi olan yığmamızı İranla matçda heç-heçə də qane edir. Rəqibinə uduzmayacağı halda, millimiz qrupu ikinci yerdə tamamlayacaq. Bu halda komandamız 1/8 finalda Tailandla qarşılaşacaq.

Məğlub olacağı halda isə futzalçılarımız qrup üçüncüsü kimi 1/8 finala yüksələ bilərlər. Lakin bu halda 1/4 finala gedən yolda millimiz daha güclü rəqiblə - Braziliya və ya İtaliya ilə görüşəcək.

03:00 Azərbaycan - İran

Hakimlər: Sezar Malaqa (Peru), Kristofer Sinkleyir (Yeni Zelandiya), Alessandro Malfer (İtaliya)

Medelin. "Coliseo Ivan de Bedout"