Cənubi Koreya - İran oyunu 0:1 hesabı ilə bitdi.

Özbəkistan - Qətər oyununda isə ev sahibləri qalib gəldilər. Bahodir Nasimovun komandası rəqibə 5 top vurdu, öz qapısından isə 1 qol buraxdı.

Bununla da Cənubi Koreya və İran Dünya çempionatının finalına vəsiqə qazandılar. Özbəkistan isə pley-offa qaldı.

---------
18:52

Futbol üzrə Avstraliya milli komandası Braziliyada keçiriləcək 2014-cü il dünya çempionatına vəsiqəni təmin edib.“yaşıl qitə” komandası ardıcıl 3-cü dəfə mundialda iştirak edəcək.

Bu dəfə Avstraliya millisi İraqı 1:0 hesabı ilə yenərək, B qrupunda 2-ci yerin sahibi kimi dünya çempionatında oynamaq hüququ qazanıb. Yeganə qolu 83-cü dəqiqədə Coşua Kennedi vurub. Daha öncə Yaponiya qrup lideri kimi mundiala vəsiqə əldə edib. Daha bir vəsiqə isə təşkilatçı ölkə - Braziliyaya məxsusdur.

Qeyd edək ki, iyunun 18-də daha bir ölkə dünya çempionatına vəsiqəni təmin edə bilər. Bu vəsiqələrə Cənubi Koreya, İran və ya Özbəkistan iddialıdır. Koreyalılar hazırda davam edən oyunda İrana evdə hətta 0:1 hesabı ilə uduzsalar, dünya çempionatına yollana biləcəklər. Amma həmin nəticə Özbəkistanı qane etməyəcək. “Neftçi”nin hücumçusu Bahodir Nasimovun çıxış etdiyi yığma Qətəri evdə yenməlidir.

Asiya qitəsindən dünya çempionatına 4 ölkənin vəsiqəsi təmin olunub. Daha bir vəsiqə Şimali və Mərkəzi Amerikada 4-cü yeri tutan komanda ilə “pley-off” matçının qalibinə veriləcək.