“Sumqayıt” klubunun Müşahidə Şurasının növbəti iclası keçirilib.

İclasda iştirak edən üzvlərin səs birliyi ilə Rəfiyev Riad Rasim oğlu “Sumqayıt” Futbol Klubuna prezident seçilməsi üçün təsisçilərə təqdim edilib.

Təsisçilərin qərarı ilə “Sumqayıt Futbol Klubu” MMC-nin prezidenti təyin olunub.

Qeyd edək ki, Riad Rəfiyevin “Sumqayıt” klubuna prezident təyin olunacağı hələ iki gün öncədən bilinirdi. Belə ki, AFFA prezidenti Rövnəq Abdullayev Riad Rəfiyevi bu münasibətlə təbrik etmişdi.

Onu da bildirək ki, Riad Rəfiyev “Neftçi” klubunun mərhum rəhbərlərindən olmuş Rasim Rəfiyevin oğludur. O, bunadək millinin seleksioneri vəzifəsində işləyirdi.