Ağdam təmsilçisi cavab görüşü ərəfəsində üstünlük qazanıb


“Qarabağ” İsveçin "Gefle" klubunu Bakıda 1:0 hesabı ilə məğlub edib. Görüşdə yeganə qolu oyunun 90-cı dəqiqəsində Reynaldo vurub. Qeyd edək ki, iki komanda arasında cavab görüşü bir həftə sonra İsveçdə keçiriləcək.

***21.37

Bu gün Avropa Liqasının üçüncü təsnifat mərhələsinin ilk oyunları keçirilir. Azərbaycanı bu turnirdə təmsil edən “Qarabağ” da növbəti oyununa çıxıb.

Komandamızın bu dəfəki rəqibi İsveçin “Gefle” klubudu. Avrokuboklarda ilk dəfə üçüncü təsnifat mərhələsinə vəsiqə qazanan və İsveç çempionatının autsayderlərindən olan rəqibi ilə müqayisədə daha böyük Avropa təcrübəsinə malik Ağdam klubu bu komandanı da keçməyə borcludu.

Xatırladaq ki, “Qarabağ” bundan öncə Makedoniyanın “Metallurg” (hər iki oyunda 1:0) və Polşanın “Piast” (2:1, 2:2) klublarını mübarizədən kənarlaşdırmışdı.

“Qarabağ”la “Gefle” arasındakı cavab görüşü bir həftə sonra İsveçdə keçiriləcək.