15:30

Formula 1 üzrə sərbəst yürüşlərdə dövrələrdə ən yaxşı nəticəni "Ferrari"min monakolu pilotu Şarlar Lekler göstərib.

Gundemxeber.Az xəbər verir ki, ikinci nəticə onun komanda yoldaşı alman Sebastyan Fetteldə olub. Üçüncü ən yaxşı isə "Red Bull Racing"in Holland pilotu Maks Ferstappen olub.

Qeyd edək ki, dünən keçirilmiş sərbəst yürüşdə də dövrələrdə ən yaxşı nəticəni Şarl Lekler göstərmiş, onun komanda yoldaşı Sebastyan Fettel isə ən yaxşı ikinci nəticənin sahibi olmuşdu. Üçüncü ən yaxşı nəticəni isə "Mercedes"dən hazırda çempionatda liderlik edən Luis Həmilton göstərmişdi.

----------
14:04

Bakıda keçirilən Formula 1 SOCAR Azərbaycan Qran-Prisinin 2-ci günündə Formula 1 yarışları üzrə üçüncü sərbəst yürüşlərə start verilib.

Milli.Az xəbər verir ki, yürüş saat 14:00-da başlayıb.

Yürüşdə 10 komandada hər birini 2 pilot təmsil etməklə ümumilikdə 20 pilot yer alır. Bunlar "Mercedes" komandasından Luis Həmilton və Latteri Bottas, "Ferrari"dən Sebastyan Fettel və Şarl Lekler, "RBR"dən Maks ferstappen və Pyer Qasli, "Renault"dan Daniel Rikardo və Niko Hülkenberq, "Haas"dan Roman Qrojan və Kevin Maqnussen, "McLaren"dən Karlos Sayns və Lando Noris, "Racing Point"dən Serxio peres və Lans Strol, "Alfa Romeo"dan Kimi Raykönen və Antonio Giovinazzi, "Toro Rosso"dan Daniil Kvyat və Aleksandr Albon, "Williams"dan Corc Rassel və Robert Kubitsadır.



Dünən keçirilən ilk sərbəst yürüş zamanı yürüşdə dövrələrdə ən yaxşı nəticəni "Ferrari" komandasından monakolu Şarl Lekler göstərib. Onun komanda yoldaşı Sebastyan Fettel ən yaxşı ikinci nəticənin sahibi olub. Ən yaxşılardan üçüncüsü isə "Mercedes"dən hazırda çempionatda liderlik edən Luis Həmilton olub.

İkinci sərbəst yürüş isə trasda kanalizasiya lyuku ilə bağlı baş verən qəza ilə əlaqədar təxirə salınmış, sonra isə ümumiyyətlə ləğv olunmuşdu.

Bu gün saat 18:00-da isə pilotlar artıq sıralanma turunda mübarizəyə başlayacaqlar.

Qeyd edək ki, 2019-cu ildə Formula 1 üzrə Dünya çempionatının ilk 3 Qran pri mərhələsindən sonda "Mercedes" Luis Həmilton 68 xalla birinci, onun komanda yoldaşı Valtteri Bottas 62 xalla ikinci, "RBR Honda"dan Maks Ferstappen 39 xalla üçüncü pillədə qararlaşıblar. Azərbaycan Qran prisi mövsümün 21 mərhələsindən 4-cüsüdür.

Xatırladaq ki, bu, Formula 1 üzrə Azərbaycanda keçirilən sayca 4-cü Qran pridir.