Amerika basketbol-şou komandasının üzvü 33,45 metr məsafədən topu səbətə atıb

İdman Basketbolda yeni rekord müəyyənləşib. ANS PRESS-in xarici mətbuata istinadən verdiyi məlumata görə, "Harlem Qlobetrotters" basketbol şou-komandasının üzvü, "İldırım" ləqəbli Kori Lou 33,45 metr məsafədən topu səbətə atıb.

Basketbol meydançasının kənarından atdığı top səbətə daxil olub. Bu yeni göstərici ilə Kori Lou özündən əvvəlki Pepperdayn Elanomaya məxsus 31,9 metrlik rekordu qırıb.

"Harlem Qlobetrotters" komandasından bu rekorda 3 nəfər cəhd edib və yalnız Kori Lou müsbət nəticəyə nail olub.

Basketbol şou-komandasının üzvü Kori Lou peşəkar basketbolla deyil sırf şou ilə məşğul olur. Onun komandası idmanın, teatr şousunun və komediyanın elementlərini uyğunlaşdıraraq fəaliyyət göstərir.