SOCAR-la “Qalatasaray” arasındakı sponsorluq haqqında müqavilənin maddi tərəfi məlum olub.

Bu barədə Türkiyə klubundan İctimaiyyəti Məlumatlandırma Platformasına açıqlama verilib.

Bildirilib ki, “SOCAR Turkey Enerji” sözügedən müqaviləyə uyğun olaraq hər müqavilə ili üçün 5 milyon avro + ƏDV (cəmi 15 milyon avro + ƏDV) ödəyəcək.

Vəsaitin paylanması barədə isə daha sonra məlumat veriləcək.

Mənbə: galatasaray.org

20:16

“Qalatasaray” İdman Klubu ilə SOCAR arasında 2023-2024-cü illər mövsümündən başlayaraq üç illik sponsorluq müqaviləsi imzalanıb.

Bu barədə Türkiyə klubundan məlumat verilib.

Məsələ ilə bağlı SOCAR-dan bildirilib ki, “SOCAR Türkiyə”, “Qalatasaray” İdman Klubu və “Qalatasaray Sportif A.Ş.” arasında imzalanan müqaviləyə əsasən, “Qalatasaray” futbol komandası 2023 - 2024-cü il mövsümündə UEFA çərçivəsində təşkil olunacaq bütün rəsmi yarışlarda (Çempionlar Liqası, Avropa Liqası ve Konfrans Liqası daxil olmaqla) SOCAR loqosu ilə çıxış edəcək. SOCAR, həmçinin mediada “Qalatasaray Futbol Komandasının Enerji Sponsoru” ifadəsindən istifadə etmək hüququna da sahib olub.

Gundemxeber az