Azərbaycan millisinin hücumçusu Mahir Emrelinin formasını geyindiyi Xorvatiyanın “Dinamo” (Zaqreb) klubu baş məşqçisiz qalıb.

Paytaxt təmsilçisi Yunanıstan AEK-inə uduzaraq, Çempionlar Liqasında mübarizəni dayandıran komandanın çalışdırıcısı İqor Bişçanla yolları ayırıb. Öncə ona cümə axşamı Avropa Liqasında Çexiya “Sparta”sı ilə matçda şans veriləcəyi gözlənilsə də, sonradan qərar dəyişdirilib.

Tezliklə yeni çalışdırıcının adının açıqlanacağı bildirilir. Bu posta Sergey Yakiroviç, Qoran Tomiç, Jelko Şopiç və Damir Krznar namizəd göstərilir.

GUNDEMXEBER.AZ