UEFA Avropa Liqasının qrup mərhələsinin oyununda “Molde”nin qonağı olacaq “Qarabağ” klubu bu gün Norveçə yola düşüb.

Ağdam təmsilçisi bir qədər əvvəl çarter reysi ilə Heydər Əliyev Beynəlxalq Hava Limanını tərk edib.

Yalnız qapıçı Amin Ramazanov zədə səbəbindən kollektivlə birgə səfər matçına yollanmır. Komanda Qurban Qurbanovun rəhbərliyi altında oyun günü son məşqini keçirəcək.

Qeyd edək ki, dekabrın 1-də keçiriləcək “Molde” - “Qarabağ” görüşü Bakı vaxtı ilə saat 00:00-da başlayacaq. Hazırda hər iki komandanın hesabında altı xal var.

GUNDEMXEBER.AZ