Gundemxeber.az » İdman » “Qızılcanın müalicəsi ilə bağlı dərman təminatı ən üst səviyyədədir” - Vüqar Qurbanov
“Qızılcanın müalicəsi ilə bağlı dərman təminatı ən üst səviyyədədir” - Vüqar Qurbanov
“Qızılcanın müalicəsi ilə bağlı dərman təminatı ən üst səviyyədədir və hazırda ölkədə qızılca yoluxma ilə bağlı vəziyyət stabildir”.
Bunu TƏBİB-in icraçı direktoru Vüqar Qurbanov jurnalistlərə müsahibəsində deyib.
O bildirib ki, vətəndaşların tibb müəssisələrinə müraciətləri qeydə alınır:
“Bizim çağırışımız budur ki, valideynlər övladlarında qızılcanın hansısa simptomunu aşkar edərlərsə, birbaşa tibb müəssisələrinə müraciət etsinlər. Tibb müəssisələrimiz, həkimlərimiz, səhiyyə işçilərimiz buna hazırdırlar. Əgər ehtiyac olarsa, onlar stasionar müalicəyə cəlb olunacaqlar, bunun üçün zəruri şərait mövcuddur. Bu istiqamətdə dərman təminatı ən üst səviyyədədir.
Çarpayı fondumuz kifayət qədərdir. Xəstəxanalarda heç bir problem yoxdur. Vətəndaşlar övladlarında yaranmış hər hansı bir simptomun aradan qaldırılması, xəstəliyin müalicəsi ilə bağlı çox rahatlıqla həm sahə həkimlərinə, həm infeksion bölmələrə, həm də xəstəxanalara müraciət edib tibbi xidmətlər əldə edə bilərlər”.
V.Qurbanov onu da əlavə edib ki, TƏBİB vətəndaşların evdə müalicəsinin tərəfdarı deyil:
“Bu gün tərəfimizdən aşkar edilən məqamlar odur ki, vətəndaşlar evdə müalicəyə üstünlük verirlər. Biz isə qətiyyən bunun tərəfdarı deyilik. Bununla bağlı tibb müəssisələrinə xüsusi təlimatlar göndərilib. Sahə həkimləri öz ərazilərində həm xəstələrin vəziyyətini, həm də onların ailə vəziyyətini dəyərləndirirlər. Hansı xəstənin stasionar müalicəyə ehtiyacı varsa, xəstəxanaya yerləşdirilir, hansı xəstənin evdə müşahidəyə ehtiyacı varsa, evdə müşahidə altında saxlanılır. Bu iş keyfiyyətli şəkildə davam etdirilir. Çağırışımız ondan ibarətdir ki, övladında hər hansı simptom müşahidə edilən valideynlər dərhal tibb müəssisələrinə müraciət etsinlər”.
GUNDEMXEBER.AZ
Oxşar yazılar :
-
-
Nazirlik: "Qripin müalicəsi üçün kifayət ...
2-12-2016, 13:39
-
Koronavirusun müalicəsi üçün özbaşına dərman ...
21-04-2020, 22:23
-
ABŞ koronavirus xəstələrinin müalicəsi üçün ...
24-03-2021, 10:45
-
Səhiyyə Nazirliyində «pulsuz dərman maxinasiyası» ...
18-04-2013, 10:33
-
Kimlər hansı tibbi xidmət və dərmanlardan pulsuz ...
9-12-2016, 13:00
Sorğu
Yeni dizaynımız necədir?