“Mançester Yunayted”in keçmiş müdafiəçisi Rio Ferdinand hazırda Səudiyyə Ərəbistanının “Ən-Nəsr” klubunda oynayan Kriştianu Ronaldunun vaxtilə İngiltərə komandasına keçidi ilə bağlı bəzi detalları gündəmə gətirib.

Onun sözlərinə görə, mankunianlılar PSJ-dən Ronaldinyonu transfer edə bilsəydilər, portuqaliyalı hücumçu Kriştianu Ronaldu 2003-cü ildə “Mançester Yunayted”ə keçməzdi.

“Əslində, Ronaldu ilə müqavilə imzalamaqda bəxtimiz gətirdi, çünki həmin yay Ronaldinyo ilə sövdəmiz baş tutmadığından böyük bir məyusluq vardı. Biz Ronaldinyonu almağa çalışdıq, lakin o, PSJ-dən ayrılmaq qərarına gəldi və “Barselona”ya keçdi. Yadımdadır ki, məşqçi sanki boşluqda idi”, - deyə Ferdinand bildirib.

Gundemxeber,az