İngiltərə Premyer Liqasının 28-ci turunda “Çelsi” “Nyukasl”la qarşılaşıb.

Londondakı “Stemford Bric” stadionunda baş tutan matç ev sahiblərinin qələbəsilə bitib - 3:2.

Artıq altıncı dəqiqədə Nikolas Cekson qonaqların qapısını dəqiq nişan alıb. Lakin fasiləyə bir neçə dəqiqə qalmış “sağsağanlar”ın hücumçusu Aleksander İsak tablodakı bərabərliyi bərpa edib. 58-ci dəqiqədə Palmer yenidən meydan sahiblərini önə çıxarıb. 76-cı dəqiqədə isə Mudrik hesab arasındakı fərqi artırıb. Son dəqiqədə qonaqlar daha bir qol vursalar da, bu, “zadəganlar”ın qələbəsinə mane olmayıb.

Beləliklə də, 28 oyundan sonra “Çelsi”nin 39 xalı var və komanda 11-ci yerdədir. Öz növbəsində, Premyer Liqada eyni sayda oyundan sonra “Nyukasl” 40 xal toplayıb və 10-cu pillədə qərarlaşıb.

Xatırladaq ki, ilk dövrə matçında “sağsağanlar” doğma meydanda londonluları darmadağın edib - 4:1.

GUNDEMXEBER.AZ