“Mançester Siti”nin müdafiəçisi Manuel Akanji karyerasını “Milan”da davam etdirə bilər.

Klublar arasında danışıqlar uğurla gedir. 30 yaşlı isveçrəlinin transferi onun qərarından və tərəflərin yekun razılaşmasından asılı olacaq.

Daha əvvəl bildirilib ki, “Qalatasaray” da Akanjinin transferi ilə bağlı 17 milyon avro müqabilində razılıq əldə edib, lakin sövdələşmə baş tutmayıb.

Xatırladaq ki, müdafiəçi İsveçrə futbolunun yetirməsidir, “Vintertur”, “Bazel” və Dortmund “Borussiya”sında çıxış edib. 2017-ci ildən İsveçrə millisində oynayır. “Mançester Siti” ilə müqaviləsi 2027-ci ilin yayına qədər qüvvədədir. Transfermarkt onun dəyərini 28 milyon avro olaraq qiymətləndirir.//Lent.az