İraq Şam İslam Dövləti təşkilatı (İŞİD) Türkiyə sərhədinə çatıb.

İŞİD, Türkiyənin Hatay vilayətinin Reyhanlı mahalının Beşaslan kəndi ilə sərhəd olan Hərəm bölgəsində, ÖSO silahlıları ilə döyüşə girib və ÖSO silahlılarını Türkiyə tərəfə sıxışdırıb.

İŞİD-in Reyhanlı ilə sərhəddəki bütün bölgəni ələ keçirdiyi haqqında da məlumat var.

Türkiyəyə qaçan ÖSO silahlılarının isə Beşaslan kəndində gizləndiyi bildirilir.

Hazırda İŞİD Türkiyə ilə sərhəddə olan kəndlərdədir və orda qalan ÖSO silahlıları ilə qızğın döyüşlər davam edir. Türkiyə Silahlı Qüvvələrinə də "Həyəcan" siqnalı verilib.