Ermənistan Silahlı Qüvvələrinin Baş Qərargah rəisinin müavini, Xocalı soyqırımının əsas cəlladlarından biri general-leytenant Levon Mnasakanyan Dağlıq Qarabağdakı erməni ordusunun başına gətirilib.

Beləliklə, bir vaxt Xankəndidə santexnik işləmiş Lyova Ermənistanda hakimiyyəti ələ keçirmiş “Qarabağ” klanın ierarxiyaca dördüncü adamına çevrildi. İndi hakimiyyətdə olan Serj Sarkisyan vəzifəni tərk etdikdən sonra o, üçüncü olacaq.

Ermənistanda son 15 ildə ildə “Qarabağ” klanının yaratdığı ənənəyə görə, “seçkilərdə” müdafiə naziri prezidentin yerinə keçir və onun yerini Dağlıq Qarabağdakı ordunun komandiri tutur. Yəni Dağlıq Qarabağ ordusunun başına keçmiş klan üzvü 3-4 seçkidən sonra Ermənistan prezidentliyinə ümidlənir. Serj Sarkisyan bu yolla prezident olub. Növbəti prezidentin isə Xocalı soyqırımının memarlarından olan Seyran Ohanyanın olacağı ehtimal edilir. Onun yerini isə Dağlıq Qarabağdakı ordunun keçmiş komandanı, hazırda Ermənistan Silahlı Qüvvələrinin baş qərargah rəisi işləyən Movses Akopyan tutacaq.

Levon Mnasakanyan əslində peşəkar hərbçi deyil və normal ali təhsili də yoxdur. İddia edir ki, 1989-cu ildə İrəvan Politexnik İnstitutunu qurtarıb. Amma Xankəndi camaatı bilir ki, 1988-ci ildən o, erməni quldur dəstələrinin tərkibində silahsız dinc azərbaycanlılara divan tutmaqla məşğul olub. Yəni hansısa İrəvan institutunda dərs oxumağa vaxtı olmayıb. Yəqin diplomu satın alıb.

Levon Mnasakanyanın fəaliyyətinin ən qanlı səhifəsi 1992-ci ilin fevral ayının 26-da Bekor ləqəbli Aşot Qulyanın dəstəsində Xocalıya hücum etməsi olub. Yəni 600-dən çox silahsız körpənin və yaşlı adamın qətlində işitrak edib. Daha sonra o, 1992-ci il mayın 8-də Bekorun dəstəsində Şuşaya hücum edib və şəhərdə 300-ə qədər mülki azərbaycanlının qətlində iştirakçı olub.

Göründyü kimi, heç bir hərbi təhsili olmayan, başıpozuq dəstələrin silahsız mülki əhaliyə divan tutmasından başqa heç bir hərbi təcrübəsi olmayan bir quldur bir neçə ildən sonra Ermənistan ordusunun ikinci şəxsinə çevriləcək, minlərlə erməni ailəsinin övladlarının taleyi bu cür kriminal ünsürə tapşırılacaq.

Erməni xalqı “Qarabağ klanı" ilə mübarizədə acizdir. Çünki mafiya qanunları ilə işləyən klanın bir prinsipi var: zəifləri, sadə erməniləri ayaqlamaq və Rusiyadan olan havadarların önündə müticəsinə baş əymək. Sadə ermənilərin klanla bacara bilmədiklərinə görə ölkəni tərk etməkdən başqa bir yolları qalmır.