Omskda Hərbi Desant Qoşunlarının kazarmasının uçması nəticəsində ölənlərin sayı 23 nəfərə çatıb.

Müdafiə Nazirliyinin məlumatına görə, bu vaxta qədər dağıntılar altından 42 nəfər çıxarılıb.

"İyulun 13-ü səhər saat 10:00-a (Bakı vaxt ilə 12:00) olan məlumata görə, 23 hərbçi ölüb".

Bazar günü axşam saatlarında kazarma binasının bir neçə mərtəbəsi uçub. Onlarla insan dağıntılar altında qalıb.

Saat 10:21
Rusiyanın Omsk şəhərində hərbi kazarma binasında uçqunda ölənlərin sayı sürətlə artır. ANS PRESS-in məlumatına görə, regionun xilasetmə xidmətinin nümayəndəsi baş vermiş hadisə nəticəsində dağıntılar altından 37 nəfər çıxarılıb. Onlardan 18-nin cəsədinin çıxarmaq mümkün olub.

İlkin məlumatlara görə, dağıntılar altında 8 nəfər var. Onların xilas edilməsi yönündə iş gedir.

Həmin an binada olan 337 nəfərdən 45-i dağıntılar altında qalıb. Xilas edilən 19 nəfərin əksəriyyəti ağır və çox ağır vəziyyətlərdə xəstəxanalara çatdırılıb. İlkin məlumata görə, 11 nəfərin şəxsiyyəti müəyyən edilib.



Kazarma gecə saatlarında uçdu



Gecə uçmuş kazarmanın səhər saatlarında çəkilmiş görüntüsü


Omsk şəhərinin Svetlı qəsəbəsində yerləşən hərbi kazarmanın 4 mərtəbəli təlim korpusunun bir bölümünün damı və divarın bir hissəsi gecə saatlarında uçub. Qəzaya nəyin səbəb olduğu məlum deyil.



Omskda gecə saatlarında uçan 242-ci kazarmanın tədris binasında dağıntılar altında qalanların xilas edilməsi



Axtarışlar səhər saatlarında da davam edib.

Faciədən sonra kazarma binasının restavrasiyasında iştirak edən mütəxəssizlərdən biri təmir işləri zamanı şahidi olduğu səhlənkarlıqdan danışıb. Omsk sakini Vladimir Nastıçenkonun sözlərinə görə, briqadada onunla birlikdə reabilitasiya mərkəzində müalicə alan narkomanlar və əyyaşlar çalışıb. Təbii ki, bu insanların lazımi kvalifikasiyası yox idi və onlar bir qarın yeməyə işləyirdilər.

Hərbi kazarmanın uçması faktı ilə bağlı "Səhlənkarlıq" maddəsilə cinayət işinə başlanıb. Faktla bağlı araşdırma aparılır. Hadisənin araşdırılması üçün Moskvadan Omska Müdafiə Nazirliyinin xüsusi komissiyası da cəlb olunub.