Dağıstanın Antiterror Əməliyyatı rejiminin qüvvədə olduğu Qarabudaqkənd bölgəsində keçirilmiş xüsusi əməliyyat nəticəsində 7 silahlı məhv edilib. Əməliyyat zamanı xüsusi təyinatlılardan biri ölüb, digəri yaralanıb.

gundemxeber.az "Report"a istinadən bildirir ki, bu barədə respublikanın hüquq-mühafizə orqanlarındakı mənbə məlumat verib.
Mənbənin bildirdiyinə görə, məhv edilmiş silahlıların sayı daha çox ola bilər, amma bunu əraziyə tam baxış keçirdikdən sonra demək mümkün olacaq.

Məlumatına görə, əməliyyat-axtarış tədbirləri çərçivəsində hüquq mühafizə orqanları silahlıların yay "dayanacağ"ını aşkarlayıb və ərazi mühasirəyə alınıb.