Türkiyə xarici işlər naziri Mövlud Çavuşoğlu prezident Ərdoğnın Rusiya səfəri ilə bağlı jurnalistlərin sualına cavab verib.

Avropa.info xəbər verir ki, Çavuşoğlu Rusiya ilə Suriya ilə bağlı apardığı müzakirələr barədə bu sözləri deyib:

“Suriya mövzusunda daha əvvəl aramızda fərqli mexanizmlər vardı. Hərbçilər, XİN başçıları və kəşfiyyat arasında. İndi üçlü mexanizm qururuq. Bu axşam Sankt-Peterburqa gedəcəklər, həmkarları ilə görüşəcəklər. MİT müşavirimiz ilə bizim nazirliyin nümayəndəsi və Silahlı Qüvvələrdən bir hərbçi gedəcək. Daha sonra bunu daha üst səviyyədə, xarici işlər nazirlərinin də qatıldığı səviyyədə həyata keçirəcəyik” – Çavuşoğlu belə deyib.

“Atəşkəs və humanitar yardım mövzusunda Rusiya ilə eyni cür düşünürük”.

Suriya mövzusunda atəşkəs, humanitar yardım və siyasi həll məsələsində Rusiya ilə eyni cür düşündüklərini deyən türk nazir “Atəşkəsin necə təmin olunacağı barədə fərqli düşüncələr ola bilər. Biz xüsusilə də mülki əhaliyə qarşı hücumların təşkil olunmasını istəmirik. Terror təşkilatları xaricində mülayim müxalifətə də qarşı hücumları istəmirik. Hələbin mühasirəsini də uyğun saymırıq” – deyib.

Çavuşoğlu rus hərbi təyyarəsinin vurulması ilə bağlı da danışıb:

“Təyyarənin vurulması işinə aidiyyəti olan pilotların bəziləri həbsdədir. Bu paralel mafiyaya (FETÖ) üzv olduqları üçün, yaxud təyyarənin vurulmasında iştirak etdikləri üçün deyil. Bu məsələləri hərtərəfli araşdıracağıq, qiymət verəcəyik”.

Türkiyə və Rusiyanın müdafiə sənayesində əməkdaşlığını genişləndirməsi ilə bağlı Mövlud Çavuşoğlu bunları deyib:

“NATO zonası xaricindən müdafiə sənayesi ilə bağlı, raket sahəsi daxil əməkdaşlıq edən ölkələr var. Doyası ilə, Türkiyə bu günə qədər NATO üzvü ölkələri ilə əməkdaşlıq etmək istədi. Amma əldə etdiyimiz nəticələr bizi qane etmədi. Bu səbəbdən bizim başqa məkanlarda axtarışlara çıxmağımız son dərəcə normaldır. Amma bunu NATO-ya qarşı bir addım olaraq görmürük.
Mənim də öz HHM sistemimi qurmağım lazımdır və öz texnologiyamı başqa ölkələrlə əməkdaşlıq edərək, inkişaf etdirməyim lazımdır. O zaman sən (Qərb) bunları etmirsənsə, müttəfiqimiz olduğun halda bizə yaxın durmursansa, Türkiyə də başqa axtarışlara çıxmaq məcburiyyətində qalacaq. Mən bu texnologiyaları inkişaf etdirmək məcburiyyətindəyəm, öz təhlükəsizliyimi təmin etmək məcburiyyətindəyəm, müdafiə sistemimi qurmaq məcburiyyətindəyəm”.