NASA mütəxəssisləri kəşfiyyat təyyarələrinin köməyi ilə Antarktidanın ən zəif buzlağında yüz kilometrlik çat aşkarlayıblar. Alimlərin sözlərinə görə, tapıntı buzlu massivin dağılmasını və meqa-aysberqin yaranmasını göstərir.
Bu barədə “Live Science” məlumat yayıb.
Bəzi NASA alimlərinin iddiasına görə, Antarktidada olan 112-kilometrlik bu çat onu göstərir ki, mövcud massiv dağılacaq və onun yerinə sahəsi 6,5 min kvadrat kilometr təşkil edəcək meqa-aysberq yaranacaq.



Tədqiqatçıların fikrincə, buzlaqların yox olması dəniz səviyyəsində mənfi dəyişikliklərə səbəb olacaq. Faciəli dəyişikliklərə yol verməmək üçün NASA mütəxəssisləri “IceBridge” adlı layihə çərçivəsində kəşfiyyatçı təyyarələr vasitəsilə müşahidələr aparırlar.
NASA mütəxəssislərinin sözlərinə görə, Larsen buzlağı Antarktidada ən zəif yerdir, Buzlaq hələ 1995-ci ildən dağılmağa başlamışdı. Müşahidələrin nəticələrinə görə, buzlağın qəlpələri hələ yayda yox olmalı idi.

Gülnar Əliyeva

gundemxeber.az