Səudiyyə Ərəbistanı rus silahına, xüsusilə “İsgəndər” raket komplekslərinə maraq göstərir.

Bunu amerikalı jurnalist Cef Deniels CNBS üçün yazdığı məqaləsində bildirib.
Müəllifin sözlərinə görə, bu maraq İran tərəfindən təhlükənin artmasından sonra yaranıb və artıq ABŞ İsrail və Konqresin bəzi üzvlərinin müqaviməti üzündən müəyyən silahları Səudiyyəyə verə bilmir.
“Ötən həftə rus KİV-i məlumat yaymışdı ki, Rusiya müdafiə naziri Səudiyyə Ərəbistanının yüksək çinli hərbi nümayəndəsi ilə görüşüb. Rusiya Müdafiə Nazirliyindən görüşün nəticələri ilə bağlı verilən məlumatda qeyd olunurdu ki, Səudiyyə Ərəbistanı müasir rus silahlarının alınmasında maraqlıdır”