Şimali Koreya yaxın zamanlarda qitələrarası ballistik raketini sınaqdan keçirəcək.

Bu barədə informasiyanı Şimali Koreyanın “Nodon Sinmun” qəzeti yayıb.
“Bu raket sınağı ABŞ-ın düşmən siyasətinin uğursuzluğa düçar olduğunu göstərəcək. ABŞ nüvə silahı və qitələrarası ballistik raketə sahib olan ölkə ilə heç vaxt savaşmaz”, – deyə məqalədə bildirilib.
Qeyd edək ki, Pxenyan sonuncu dəfə dünən gəmi əleyhinə raketlərinin sınağını keçirib.