Meksikanın Sakatekas ştatında dağlıq ərazidəki gizli məzarlıqlarda 14 nəfərin cəsədi aşkarlanıb.

Bu barədə yerli “Economista” portalı məlumat yayıb.
Ştatın prokuroru Fransisko Murilyo aşkarlanan meyitlərin 11 kişi və 3 qadına aid olduğunu bildirib. Bəzi meyitlər bir neçə gün əvvəl basdırılıb.
Qeyd olunan məzarlığın oğurluq və adam oğurluğu ilə məşğul olan yerli cinayətkar qrupla əlaqəli olduğu bildirilir.
Ərazidə digər məzarlıqların axtarışı aparılır.