“Qiyməti qaldırmayın, ölkəmizin hər üçüncü sakini yoxsulluq səviyyəsindən aşağıda yaşayır”
Ermənistanda İctimai xidmətlərin tənzimlənməsi üzrə Komissiya iyunun 7-də elektrik enerjisi və qaz tariflərini müzakirəyə çıxarır. Modern.az erməni KİV-lərinə istinadən bildirir ki, Rusiyanın “Qazprom” dövlət şirkətinin qərarından sonra atılan bu addım Ermənistanda böyük etiraz doğurub.
Paytaxt İrəvanda Ermənistan vətəndaşları rus qazının bahalaşması ilə bağlı Rusiyanın fövqəladə və səlahiyyətli səfiri İvan Volınkinə müraciət ediblər.
“Gəlin qazın bahalaşmasını dayandıraq” deyə bəyan edən Vətəndaş Təşəbbüsünün açıqlamasında bildirilir ki, vətəndaş cəmiyyəti qaz və enerji daşıyıcılarının qiymətinin bahalaşması problemini diqqətdən kənar saxlaya bilməz.
“Ölkəmizin hər üçüncü sakini yoxsulluq səviyyəsindən aşağıda yaşayır. Enerji daşıyıcılarının tarifinin qaldırılması əhalinni kommunal xərclərininin və iqtisadiyyatın digər sahələrində qiymətlərin artmasına əsas ola bilər. Qiymətlərin qaldırılması hesabına “Qazprom” Ermənistana satılan qazdan ildə əlavə 150 milyon dollar gəlir əldə etməyi planlaşdırır. İnflyasiyanın artması nəticəsində Ermənistan əhalisinin kommunal xidmətlərə, nəqliyyata, birinci dərəcəli ərzaq məhsullarına və mallara xərcləri ildə 1,5 milyard dollaradan az olmayaraq artacaq. Bir şübhəsiz həqiqət var ki, qiymət nə qədr çox olarsa, tələbat da o qədər az olacaq. Ona görə “Qazprom”un ildə əlavə 150 milyon dollar qazanacağı hələ müəyyən deyil. Aydındır ki, qiymətlərin qaldırılmasına yönələn iqtisadi siyasət sosial etirazlara, vətəndaş itaətsizliyinə, inqilaba və inhisarın milliləşdirilməsinə aparır. Biz qazın qiymətinin qaldırılmasının sadə Ermənistan vətəndaşının öz mövcudluğu uğrunda mübarizəsi üçün nə dərəcədə ağır sınaq olduğunu diqqətinizə çatdırmaq istəyirik. Bizə elə gəlir ki, birgə fəaliyyət göstərərək hadisələrin mənfi yöndə inkşafını önləyə bilərik”-deyə müraciətdə vurğulanır.
İctimai dinləmələrin keçirilməsini birinci dərəcəli vəzifə hesab etdiklərini bildirən vətəndaşlar “ArmQazprom” QSC-nin qazın qiymətinin qaldırılması ilə bağlı mövqeyinə yenidən baxmağı xahiş edirlər.
“Rəsmi müraciət İctimai xidmətlərin tənzimləməsi üzrə Komissiyaya bu ilin 14 mayında təqdim edilimişdi. Mövcud qanunvericiliyə görə, 90 gün ərzində müraciətə baxıla bilər. Komissiya ictimasi dinləmər keçirməkdən imtina edib. Tarif məsələləri üzrə Komissiyanın iclası isə iyunun 7-nə təyin edib. Ermənistan ictimaiyyəti iclasın daha gec tarixdə keçirilməsini və hərtərəfli ictimai dinləmələrin keçirilməsini tələb edir. Aydındır ki, əgər “ArmQazprom” iclasın daha gec tarixdə keçirilməsinə razılıq versə, onda İctimai xidmətlərin tənzimlənməsi üzrə Komissiya ictimaiyyətin tələblərini yerinə yetirə bilər. Biz hesab edirik ki, sosial konfliktləri erkən mərhələdə həll etmək daha asandır”.
Rusiya səfirinə ünvanlanan müraciətin sonunda qeyd edilir: “Əgər sizin “TNKQazprom” və onun törəmə şirkəti olan “ArmQazprom” şirkətinə təsir imkanlarınız varsa, onda hələ Ermənistanın sosial-siyasi sabitliyinin saxlanması üçün addımlar atmaq olar”.