Xilasedicilər Rusiyanın Krasnodar diyarında tikilməkdə olan estakadadan dənizə düşən avtobusun qəzaya uğradığı bölgədə həlak olan 17-ci adamın cəsədini aşkar ediblər.
Bu barədə regionun fövqəladə hallar xidmətindən bildiriblər.

***11:49

Krasnodar diyarında avtobusun dənizə düşməsi nəticəsində ölənlərin sayı 14 nəfərə çatıb.
Xilas edilən 24 nəfərdən 8-i xəstəxanaya yerləşdirilib.
Dənizə düşmüş avtobus artıq kran vasitəsilə çıxarılıb.
Avtobus "Tamannefteqaz" neft-qaz şirkəti üçün estakada tikən şirkətə məxsusdur. O, işçiləri tikinit yerinə aparırmış.
Rusiyanın İstintaq Komitəsi faktla bağlı Cinayət Məcəlləsinin 264-cü maddəsi (ehtiyatsızlıq üzündən insanların ölümü ilə nəticələnən yol hərəkəti qaydalarının pozulması və nəqliyyat vasitələrinin istismarı) ilə cinayət işi açıb.

***10:56

Rusiyanın Krasnodar diyarında işçiləri daşıyan avtobus estakadadan dənizə düşüb.
Rusiya Fövqəladə Hallar Nazirliyinin Baş İdarəsindən hadisə nəticəsində 12 nəfərin həlak olduğu bildirilib.
Məlumata görə, 20 nəfər xilas edilib, 3 nəfərin taleyi naməlumdur.
Qəza Temryuk rayonundakı Volna yaşayış məntəqəsində baş verib.
Sudan xilas edilənlərdən dörüdünün vəziyyəti ağırdır. Onlar huşsuz vəziyyətdə xəstəxanaya çatdırılıb./report.az