David Saakaşvili ölkədə qalma rejimini pozulduğuna görə saxlanılıb

Ukraynanın Miqrasiya Xidməti Gürcüstanın keçmiş prezidenti, Odessa vilayətinin sabiq qubernatoru Mixeil Saakaşvilinin qardaşı David Saakaşvilini sərbəst buraxıb.
Bu barədə vəkil Pavel Boqomazov məlumat verib.
"Onlar David haqqında hansısa sənədlər hazırlamağa çalışıb. Bu nə sənədlərdir, təəssüf ki, indiyə qədər biz də bilmirik. Heç onun özünə də normal izah etməyiblər. Əlinə də heç bir sənəd verməyiblər", - deyə vəkil bildirib.

***
15:06

Gürcüstanın keçmiş prezidenti və Ukraynanın Odessa vilayətinin sabiq qubernatoru Mixeil Saakaşvilinin qardaşı David Saakaşvilinin Ukraynadan deportasiya olunacaq.
Bu barədə Ukraynanın daxili işlər nazirinin keçmiş məsləhətçisi İlya Kiva məlumat verib.
"Mixeil Saakaşvilinin qardaşı ölkədə qalma rejimini pozulduğuna görə saxlanılıb. Miqrasiya xidməti və polis onu saxlayıb və deportasiya etməyə hazırlaşırlar", - deyə o, vurğulayıb.