Rusiya Liberal Demokrat Partiyasının lideri, deputat Vladimir Jirinovski ölkə Konstitusiyasına dəyişikliklər ideyasını dəstəkləyir.

Bu barədə o, “Exo Moskvı” radiosunun efirindən bəyan edib.
Jirinovski, həmçinin dövlət başçısının adını dəyişməyi təklif edir. Onun sözlərinə görə, "yad Qərb sözü "prezident"i "ali hökmdar"la, "sədr" və ya hətta "rəis"lə də əvəz etmək olar”.
Xatırladaq ki, Rusiya Kommunist Partiyasından deputat, kino-rejissor Vladimir Bortko "Konstitusiya yığıncağı haqqında" qanun layihəsinin yenilənmiş redaksiyasını Dövlət Dumasının müzakirəsinə təqdim edib. Bu orqan təsisedici hakimiyyət, həmçinin, ölkə konstitusiyasını dəyişdirmək səlahiyyətlərinə malikdir.