Səhər saatlarında Tbilisidəki "Varketili" metro stansiyasında asma tavanın bir hissəsinin çökməsi nəticəsində xəsarət alanların sayı 14 nəfərə çatıb.

Bu barədə jurnalistlərə Tbilisinin meri Kaxa Kaladze bildirib.

Onun sözlərinə görə, xəsarət alanların müalicə xərclərini Tbilisi meriyası öz üzərinə götürəcək.

***11:27

Gürcüstan paytaxtı Tbilisidə "Varketili" metro stansiyasında asma tavanın bir hissəsinin çökməsi nəticəsində 11 nəfər xəsarət alıb.

Bu barədə Gürcüstanın Fövqəladə Halların İdarəedilməsi Agentliyindən bildiriblər.

Hadisə yerinə xilasedicilər və polis patrulu gəlib.

Xəsarət alanların xilas edilməsi ilə bağlı işlər başa çatıb./report