ABŞ prezidenti Donald Tramp Ağ Evdə keçirdiyi mətbuat konfransında həyatı boyu spirtli içkilərdən istifadə etmədiyini, hətta pivə belə içmədiyini bəyan edib.

Gundemxeber.az xəbər verir ki, bu barədə CNN telekanalı məlumat yayıb.

"Mən içən adam deyiləm. Vicdanla deyə bilərəm ki, həyatım boyu pivə belə içməmişəm. Bu mənim azsaylı yaxşı cəhətlərimdən biridir. Mən hətta bir badə olsun spirtli içki içməmişəm. Heç bir hadisə münasibətilə alkoqoldan istifadə etməmişəm” - Tramp belə deyib.

Tramp bu açıqlamanı Ali Məhkəmədə hakim vəzifəsinə namizəd Brett Kavano ilə bağlı vəziyyəti şərh edərkən verib. Demokrat konqresmenlər bu şəxsi gənc yaşlarında alkoqoldan çox istifadə etdiyinə görə tənqid edirlər.

Tramp bir il əvvəl spirtli içkilərdən alkoqolla problemi olan böyük qardaşı Fredin məsləhəti ilə imtina etdiyini etiraf etmişdi. Fred Tramp 1981-ci ildə 43 yaşında ölüb.