Afrikada hazırda 125 milyon «sünnət» olunmuş qadın var

BMT-nin Uşaqlar Fondu, UNİSEF-in hazırladığı hesabata əsasən Orta Şərq və Afrika ölkələrində hazırda 125 milyon «sünnət» edilmiş qadın yaşayır.

Üzərində bu «əməliyyat» aparılmış qadınların sayı azalsa da, yaxın on ildə 30 milyonun belə zorakılıqla üz-üzə qalacağı istisna edilmir.

Zorakılıq azmış kimi həmin ölkələrdə qadınlar antisanitariya şəraitində «sünnət» edilir.

Hesabata əsasən, Keniya və Tanzaniyada bu 3 dəfə azalsa da Somali, Qvineya və Cibuti kimi ölkələrin statistikalarında dəyişiklik olmayıb.

Hesabatda bildirilib ki, qadın «sünnəti» ağır qanama, uroloji problemlər, çeşidli yolxumalar, sonsuzluq, doğuş zamanı ölümlərə səbəb olur.

UNİSEF bunu «cinsi orqanın travması» adlandıraraq, onun dayandırılmasını tələb edir.