Amerikanın “Vaşinqton Post” qəzetinin (WP) yayım şurası, Camal Qaşıqçı cinayəti mövzusunda Amerika ictimaiyyətinə və Konqresə müraciət edərək, "Dövlət dəstəkli bu cinayətlə bağlı həqiqətin ortaya çıxması məsələsində və MKİ-nin vəliəhd şahzadə Məhəmməd bin Salmanın da aralarında olduğuna inandığı cinayətkarların da məsul tutulmasında israr etməlidirlər" deyə açıqlama edib.

WP yayım şurası tərəfindən, "Trampın, Qaşıqçı-nın ölümünə verdiyi qorxaq reaksiya, digər Amerikalıların addım atması lazım olduğu mənasını verir" başlıqlı bir məqalə dərc olunub.
Yazıya, "Prezident Trampın Səudiyyə jurnalisti Camal Qaşıqçı cinayətində qorxaqca geri çəkilməsi, Konqres və iş dünyası da daxil, digər Amerikalıların, ölkənin əsas dəyərlərini müdafiə etməsini zəruri edir" ifadələri ilə başlayan yayım şurası, Konqres və ictimaiyyətə müraciət edib.
Məqalədə bu şərhə yer verilib:
"(Onlar) Dövlət dəstəkli bu cinayətlə bağlı həqiqətin ortaya çıxması məsələsində və MKİ-nin vəliəhd şahzadə Məhəmməd bin Salmanın da aralarında olduğuna inandığı cinayətkarların məsul tutulmasında israr etməlidirlər. Bu məsələdə uğursuz olmaq, ABŞ ilə Səudiyyə Ərəbistanı arasındakı uzunmüddətli əlaqə də daxil, həyati əhəmiyyətli Amerika maraqlarının ciddi şəkildə zərər görməsinə səbəb olacaqdır".
Məqalədə, Yəməndə davam edən humanitar böhran kontekstində ABŞ-ın Səudiyyə Ərəbistanına etdiyi yardımların Senat tərəfindən əngəllənə biləcəyi qeyd edilərkən, ötən il yaz aylarında bu növ fürsətin kiçik bir səs fərqilə itirildiyi qeyd edilib.
Məqalədə bu fikirlərə də yer verilib:
“Başqa tərəfdən, Səudiyyə Ərəbistanı ilə iş görən Amerika müəssisələri, universitetləri, düşüncə təşkilatları və lobbi firmaları bu bağları yenidən nəzərdən keçirməlidir. Əgər cənab Tramp, ABŞ maraqlarına uyğun şəkildə bin Salman və onun rejiminə qarşı təsirli sanksiyalar tətbiq edərsə, normal münasibətlərin yenidən inşa edilməsinin yolunu da açardı. Onun bu məsələdə uğursuz olması, işlərin olduğu kimi davam etməyəcəyi anlamına gəlir".
Vəliəhd şahzadənin Argentinada keçiriləcək G20 Sammitinə qatılacağına işarə edilən məqalədə liderlərə onunla görüşməmə çağırışı da edilib.
Qeyd edək ki, dünənki brifinqdə Ağ Ev Milli Təhlükəsizlik məsləhətçisi Con Bolton, ABŞ prezidenti Donald Trampın Argentinada bin Salman ilə görüşmək planının olmadığını açıqlamışdı.