Səudiyyə Ərəbistan şokdadır

Səudiyyə Ərəbistan şahzadələrindən olan Halid İbn Ferhan İbn Abdulaziz Al Suudi rejimdən ayrıldığını bildirib.
Sosial şəbəkədə bu barədə Şahzadə özü məlumat verib. Şahzadənin sözlərinə görə, bundan sonra hakimiyyətə müxalifətdə dayanacaq. O, bu məqsədlə İslami İslah Hərəkatına qoşulduğunu elan edib.

Müraciətində özü ilə eyni fikirdə olan şahzadələrə səslənərək sükutu pozmalarını istəyib: “Səudiyyə Ərəbistanını idarə edən Suud ailəsindən ayrıldığımı şərəf duyaraq elan edirəm”.

Qeyd edək ki, şahzadənin qatıldığı hərəkat 1996-cı ildən fəaliyyət göstərir və ölkədə insan haqları, söz azadlığı, siyasi azadlıqlar uğrunda mübarizə aparır.